2016年4月6日 星期三

好書‧靴推介 - 人生有趣300倍的方法 小川仁志 著 (東販出版)














































呢本係我上年書展時買的,
我 check 過香港公共圖書館無得借,
大家睇下有無緣嚮書局或書展中見到
呢本書的作者係一個日本的哲學家
從哲學的角度令平日苦悶的生活變得有趣
我地真係唔能夠唔承認
我地其實生活好多時都係苦悶甚至係艱苦

但作者就教左好多個小方法令生活可以變得精采一點
當然,好多方法都只係為自己的人生加添幽默
其實苦悶的事情依舊苦悶
但係人生最重要都係自己的感受
再有錢的人但唔開心的話是沒有意義
再困難的時刻但自己覺得適舒就係一個好的生活
書中的方法目的係令自己開心一點
所用的方法就係哲學的思考模式
哲學永遠會用非一般人的諗法切入題目
我睇得愈多呢方面的書,對哲學就有興趣
亦覺得如果能有哲學家的智慧或思考模式
相信會得到更豁然開朗的人生
所以有機會我都會睇多D相關的書
岔開少少話題,我記得有一次 YouTube 直播時,
有同學話想入大學讀哲學
但係家人、朋友都撥冷水令果位同學好疑惑
我明白那位同學的家人之想法
因為香港的競爭好大,讀一個沒有明確前途的學系
總是覺得不保障,好多人希望走中庸之道
要安全保守,但如果大家有睇過我介紹的另一本書 夢想不盜
大家就會知道外國其實走中庸之道
到最後前途其實都無咩保證
反過黎,如果我地可以真真正正可以加強自己各方面的能力
可以對未來的用途會黎得實在
我三十幾歲都好希望可以從哲學中得到更高的智慧
因為人生的確有好多問題唔係科學可以幫到你

講翻呢本書,作者提供左好多個方法令自己開心
講其中一個算,因為講得多好似倒緊人米咁
作者其中一個建議係大家為自己的人生定一個 戲名
每天努力將自己的人生變成那個故事
其實整個過程有如為自己設立一個目標
每天為著那個目標做少少,每天做少少
慢慢成就呢個故事
而作者亦教故事的標題可以於不同的時間作改動
最主要的只係想讀者不要活於一個無主題的人生
要活得精采
其實設立目標,努力爭取係一些老生常談
但作者就好形象化地將呢個過程變成一部好精彩的電影
我地自己就係主角,設立左美好的結局後
一天一天都演好呢個角色
將自己的人生推到自己想要的高峰
與每天漫無目的,見步行步的人生
的確加添不少色彩
唔知大家有無機會見到呢本書
有的話不妨睇睇,可能大家會領略到更多。


連結 Link:   好書 ‧ 靴推介

連結 Link:   Herman Yeung Blog 主目錄

沒有留言:

最新文章

DSE Physics 臨考前 吃到飽 系列

  Question and Suggested Solution (早、午、晚、宵夜餐) ( $79.90) Question Only (Free): DSE Physics 臨考前 吃到飽 系列 (早餐) DSE Physics 臨考前 吃到飽 系列 (午餐) DSE Ph...