睇書

2014-07-03

我諗大家都聽過坊間有隻驅曱甴的裝置
係用高聲頻嚇走 d 曱甴
今天我親身試過，真係 work
只係我今天扮演的是曱甴的角色

"大X書局祝你生日快樂，現凡...."
平日都幾鍾意行書局
更鍾意睇翻好幾版先決定買唔買本書
你都知，一個作者為左本書多 D 人睇
通常首幾頁一定精采絕倫
但之後你會覺得前後係兩本書黎
所以唔睇翻十幾頁，真係好驚會中伏
但係唔知由幾時開始，書局好似都幾憎我地呢 D 人
成日祝我生日快樂，嘈住我睇書
而最慶的是，果個月都唔係我生日

今日臨近佢地收鋪之前，我又扇入左一間書局
"我地辦公時間係 ..... ，我地仍然好樂意為你服務"
講完呢句，佢又開大佢驅曱甴的裝置
音樂愈來愈大，我地呢 d 曱甴好快就俾佢驅趕曬出去....

而家想搵個地方靜靜睇書真係好難
我之前都試過去屯門圖書館
有一次，堂與堂之間有好幾個小時得閒
去左圖書館一轉，
又係一個好壯觀的場面，
每一個座位都坐滿人
你唔好以為係 dse 的學生
佢地係比 dse 學生勤力好多的度馬阿叔
個個拿住份報紙嚮度刨
差部收音機就可以聽到大家一齊喊 "上,上,......"

睇黎真係想靜靜睇書，都係要買翻屋企睇先得

Herman Yeung


連結 Link:   Herman Yeung 的其他 Blog

連結 Link:   Herman Yeung Blog 主目錄